ថ្ងៃអង្គារ ទី១២ ខែមីនា ឆ្នាំ២០១៣ ម៉ោង ០៩:២០
រាជធានីភ្នំពេញ ៖
យុវជនម្នាក់បានស្លាប់ភ្លាមៗនៅនឹងកន្លែង
ចំណែក២នាក់ទៀតរងរបួសធ្ងន់សល់តែដង្ហើមចង្រិតត្រូវបានគេ
បញ្ជូនទៅសង្គ្រោះនៅមន្ទីរពេទ្យកាល់ម៉ែត
បន្ទាប់ពីពួកគេជិះម៉ូតូមួយគ្រឿងបុកជាមួយរថយន្តសម្រាប់
ដឹកកុងតឺន័រកំពុងបើកបត់ឆ្លងផ្លូវពេញទំហឹង ។
ឧប្បត្តិហេតុគ្រោះថ្នាក់ចរាចរណ៍នេះបានកើតឡើង
កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១២ មីនា
២០១៣ លើកំណាត់ផ្លូវជាតិលេខ៤ ខាងលិចកែងផ្លូវអូរដឹមកប់ស្រូវ
ស្ថិតក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។
យុវជនស្លាប់បាត់បង់ជីវិតឈ្មោះហ៊ិន ឆែម
អាយុ២៣ឆ្នាំ ជាកម្មកររោងចក្រកាត់ដេរមានស្រុកកំណើតភូមិជ្រៃ
ឃុំសន្ទុក ស្រុកទ្រាំង ខេត្តតាកែវ
ស្នាក់នៅផ្ទះជួលក្នុងសង្កាត់កន្ទោក ខណ្ឌពោធិ៍សែនជ័យ ។
ដោយឡែកអ្នករបួសធ្ងន់ម្នាក់ឈ្មោះនាក់ ភក្តី អាយុ២៥ឆ្នាំ
មានស្រុកកំណើតភូមិតានី ឃុំតានី ស្រុកទូកមាស ខេត្តកំពត
និងម្នាក់ទៀតឈ្មោះបាន ធី អាយុជាង២០ឆ្នាំ
មានស្រុកកំណើតភូមិចាប់ទា ឃុំមនោរម្យ ស្រុកថ្ពង ខេត្តកំពង់ស្ពឺ ។
ពួកគេទាំង២នាក់ជាកម្មកររោងចក្រកាត់ដេរ
ស្នាក់នៅផ្ទះជួលនៅក្នុងសង្កាត់កន្ទោក
ជិះម៉ូតូមួយគ្រឿងម៉ាកឌ្រីមសេ១២៥ ស៊េរីឆ្នាំ២០០៩
បិទតែមឆ្នាំ២០១០ ពណ៌ខ្មៅ រីឯរថយន្តមិនត្រូវបានគេស្គាល់ម៉ាកនោះទេ
គ្រាន់តែដឹងថា ជារថយន្តសម្រាប់ដឹកកុងតឺន័រ
ប៉ុន្តែពេលនោះអត់មានដាក់តួកុងតឺន័រនៅលើនោះឡើយ ៕
0 comments:
Post a Comment