ខេត្តស្វាយរៀង ៖
សមត្ថកិច្ចក្រុមការងារសន្តិសុខព្រហ្មទណ្ឌសហការជាមួយកម្លាំង
នគរបាលការិយាល័យគ្រឿងញៀននៃស្នងការដ្ឋាននគរបាលខេត្ត
និងអាជ្ញាធរមូលដ្ឋានក្រុងបាវិតបានបង្ក្រាបក្រុមជួញដូរគ្រឿងញៀន
ទ្រង់ទ្រាយធំមួយដែលពួកឧក្រិដ្ឋជនធ្វើសកម្មភាពជួញដូរគ្រឿងញៀន
នៅក្នុងកាស៊ីណូឡាវីហ្គាសសាន់
និងផ្ទះសំណាក់មួយចំនួនក្នុងក្រុងបាវិត
ចាប់ជនសង្ស័យបានចំនួន៤នាក់ ស្រី២នាក់ និងរឹបអូសវត្ថុតាង
«គ្រឿងញៀន» មួយចំនួនធំ។
ករណីបង្ក្រាបក្រុមជួញដូរគ្រឿងញៀននេះធ្វើឡើង
កាលពីវេលាម៉ោង១រំលងអធ្រាត្រឈានចូលថ្ងៃទី៩ មីនា ២០១៣
នៅសង្កាត់បាវិត ក្រុងបាវិត ។ បើតាមសមត្ថកិច្ចបានប្រាប់ឱ្យដឹងថា
ជនសង្ស័យ១-ឈ្មោះចាំង វុយ ហៅកឺកឺ ភេទប្រុស អាយុ៤៤ឆ្នាំ
ជាជនជាតិចិន ស្នាក់នៅបន្ទប់លេខ៣០៣ នៃផ្ទះសំណាក់ម៉ាល័យ
ត្រូវសមត្ថកិច្ចចាប់ខ្លួនបាននៅចំណុចមុខផ្ទះសំណាក់ថៃសាន ។
២-ឈ្មោះង្វៀន ទីហាំង ហៅកាហាំង ភេទស្រី អាយុ៣០ឆ្នាំ ជាជនជាតិវៀតណាម
ចាប់ខ្លួននៅក្នុងកាស៊ីណូ ឡាវីហ្គាសសាន់ ។ ៣-ឈ្មោះ ង្វៀង ម៉ិញង៉ុក
ហៅអាសក់វែង ភេទប្រុស អាយុ៣៤ឆ្នាំ ជនជាតិវៀតណាម
ចាប់ខ្លួននៅផ្ទះសំណាក់ផ្កាឈូក បន្ទប់លេខ៣០៦ ។ ៤-ឈ្មោះឡេ ធីរ៉ាត់
ភេទស្រី អាយុ៦០ឆ្នាំ ហៅយាយអ៊ុក ជនជាតិវៀតណាម
ចាប់ខ្លួននៅក្នុងកាស៊ីណូឡាវីហ្គាសសាន់ ។
សមត្ថកិច្ចបន្តទៀតថា
ក្រោយពីធ្វើការសាកសួរជនសង្ស័យ
និងយោងតាមប្រភពព័ត៌មានជំនាញសមត្ថកិច្ចបានធ្វើការឆែកឆេរបន្ទប់
ចំនួន៣បន្ថែមទៀត នៅផ្ទះសំណាក់ម៉ាល័យ ផ្ទះសំណាក់ផ្កាឈូក
និងកាស៊ីណូឡាវីហ្គាសសាន់ សមត្ថកិច្ចរឹបអូសបានម្សៅក្រាម ពណ៌ស
«មេតំហ្វេតាមីន» ចំនួន២៩កញ្ចប់ធំ និង១៦កញ្ចប់តូច
ទូរស័ព្ទដៃ៤គ្រឿង ជញ្ជីងថ្លឹង១ ថង់ប្លាស្ទីកសម្រាប់ខ្ចប់រាប់រយ
និងសម្ភារសម្រាប់ជក់គ្រឿងញឿនមួយចំនួន៕
0 comments:
Post a Comment